外籍護理員
外籍護理員常見問題
政策同時間
外籍家居照顧員係咪已經可以申請？ 試行目標係 2027 年。勞工處正聯同入境處擬定執行安排。而家可以準備資格同評估，正式收表要以公告為準。見 政策。
官方名稱係咩？ 外籍家居照顧員。家庭搜尋多數用外籍護理員、外籍家居護理員。
有冇配額？ 初步公開方向係不設限額，最終以正式指引為準。
同外傭
同外傭有何分別？ 都係居家同住、都可做家務；照顧員多咗認證培訓同年資門檻，人工預計高 10–20%。見 比較。
而家外傭可唔可以在港轉任？ 不可以直接轉。須返原居地完成認可培訓再申請。見 專文。
會唔會令全部外傭加人工？ 市場可能有連帶效應，但政府公開定位係多一個選擇，外傭制度仍然存在。預算緊嘅家庭可以繼續請外傭。
工作內容
一定要同住？ 公開方向參考外傭，傾向同住。未公布獨立「唔同住」版本前，請按同住準備房間。
可唔可以兼照顧小朋友同做全屋家務？ 政策目的係護老。少量家務可以，但不應把照顧員當成全職工人再加高依賴護老。面試時要講清楚優先次序。
可唔可以打針、換喉、處理傷口？ 唔等於香港註冊護士。侵襲性程序必須由合資格醫護人員做。見 定義。
錢
人工幾多？ 預計高過外傭規定最低工資 10–20%。現時外傭 $5,100，推算約 $5,610–$6,120 起。見 費用。
中介費有冇法定上限？ 向僱主收嘅服務費無統一法定上限，必須書面列明。向求職者收費則有法定上限：成功獲聘後首月工資 10%，並須發薪後先收。
資格
僱主要幾多入息？ 外傭現時常用參考係家庭入息每月 $15,000 或相若資產。新制會否調整仍待公布。見 資格。
無獨立房得唔得？ 高風險。同住制度要求合適同有合理私隱嘅住宿。
啓護
可唔可以做家務、陪診、餵藥、沖涼？ 綠區可以；紅區醫療唔可以。見 工作範圍。
要唔要同住？ 公開方向傾向同住。見 同住說明。
會唔會保證請到人、保證簽證？ 唔會用保證作招徠。我哋保證嘅係流程、書面範圍，同唔把未核證嘅人當專業護老。